Pubcrawl juni 2006

Laurdag 3. juni 2006 var det tid for denne komiteen sin siste pubcrawl i Trondheim. Komiteen takkar alle deltakarar og håpar nokon held tradisjonen i hevd!


1 Vertshuset Festningen.

Tid: 1800
Pris: 65/55; Dahls
Mengd: 0,6/0,5
Oppmøtte: Rikke, Ida, Are, Berit, David, Johs, Frøydis, Kristian, B-Man, Audun, Helene, Knut, Viking
Gul: Ikkje delt ut
Grøn: Ikkje delt ut
Doble: Johs (som blei igjen her)

Knut, ny mann i komiteen, har funne denne plassen då han var på sightseeing i Trondheim. Ingen andre har høyrt om den. Vi har fått lovnad om uteservering med tysk biergarten-preg. Dette fell i dass då det regner og vi må sitte inne. Lokalet er koselig og dei sel, som lova, 0,6-øl.

Konfirmanten klagar raskt på øllet. Dette øllet er langt frå fruktig nok til å vere Dahls. Har øltestinga i sjukampen gått fullstendig til hovudet på vår kjære konfirmant? I alle fall blir B-Man lett med på eit veddemål, og etter å ha inspisert tappetårnet og spurt betjeninga, blir det avgjort at det er Dahls. Muligens litt lenge lagra. Konfirmanten tapar veddemålet og skuldar B-Man ein øl. Denne blir aldri kjøpt.

Are, Konfirmanten og Berit har laga quiz. Laga blir trekte, og til quizkomiteens store skuffelse, hamnar Viking og Knut på lag.

Laga:


Resultat: T&A: 26, Pikene: 20, Team Chuck: 19, Samlokaliseringslaget: 17, Tomb Raider: 45 (ok, dei hadde vel kanskje myst litt på svara på forhånd)
Knut har laga Brezeln. Dei fell i smak, men grunna manglande øl-inntak syns nokon dei er litt salte.

2. Fru Lundgreen

Tid: 1910
Pris:28 for studentar, 48 for ikkje-studentar.
Mengd: 0,5
Oppmøtte: Johs og Frøydis blei att på Festningen, resten er med. Jørn og Martha kjem.
Gul: Berit
Grøn: Berit
Doble: Are, Berit

Quizzen går vidare. No med filmplakatar. Grei skuring for nokon, vanskelig for andre. Ida og Helene kan ingen og får disp til å spørre generelle folk i lokalet. Sidan Ida får lov, tar Rikke seg også lov. Her får vi ein case når vinnar skal kårast. Hjelpa viser seg på resultatlista:

T&A: 43, Pikene 38, Team Chuck 27, Samlokaliseringslaget: 25,5

3. Naboen

Tid: 2015
Pris: 0,5 Dahls: 50/42 for naboar, pakke med 0,5 Carlsberg og 0,75 Dahls: 148
Oppmøtte: Samme gjengen minus Jørn
Gul:
Grøn:
Doble: Are, Thor

Quizzen: T&A 54, Pikene 49, Team Chuck 43, Samlok. 45,5

Stadig relativt jamnt i quizzen. Veldig begrensa begeistring for temaval.

4. Rock City

Tid: sånn i nitida
Pris: 28
Mengd: 0,5
Nyankommen: Halvor som har forsove seg
Gul: Rikke
Grøn: Thor
Doble: Are, Viking
Rikke (sjå bilete)

Quizzen blir droppa her grunna høgt støynivå. Desto meir fokus rundt drikkinga.

5. MacBeth

Tid: 2205
Pris: Mange forslag. Mellom 49 og 68 ein plass
Mengd: Nja.. Halvliter, får ein anta?
Oppmøtte: Samme gjengen, pluss Kristian og Torun. Me har eit pubcrawl-par! (ref. forrige crawl)
Gul:
Grøn:
Doble: Are, Rikke

Quizzen blir avslutta med blant anna animerte figurar. Det blir close race. Team Chuck innrømmer seinare at komiteen sin "frihet-under-ansvar-holdning" meir enn oppfordra dei til å fikse litt på resultatet. Dette var likevel ikkje nok til å vinne. Skal ein først jukse, skal ein jukse med stil. Talentlaust!

Endelig quiz-resultat: T&A 67,5, Team Chuck 67, Samlok. 66,5, Pikene 57

Quizkomiteen er svært skuffa over ikkje å klare å setje ut verken B-Man, Viking eller Knut og må motvillig utrope B-Man til "Kongen av Quiz"

6 "Le Petit London"

Tid: Er ikkje notert, eller kan ikkje dechiffrerast
Pris: rundt 50
Mengd: 0,5
Oppmøtte: Jørn kom inn på nytt. Ellers mykje det same.
Gul: Rikke
Grøn: Kven anar?
Doble: Sikkert dei fleste

Her begynner ting å ta av. Komiteen har vanskeleg for å hugse detaljar (spesielt i og med at loggen no vart dataskriven eit halvt år etter pubcrawlen), men det ser ut til å ha vore god stemning. Det vert tegna og skribla i stor grad. Loggen sine midtsider vert her delt i to, ei for jenter og ei for gutar, der dei ulike kjønna skal skrive kva dei likar best. På jentesida: tissetass, ørn, tisselise og sjokkis. På gutesida: dame, Rikke, tisselur og Jørn. Begge: biljard og øl.

7 Sake

Tid: Inga aning, men definitivt før midnatt (uffda).
Pris: 49
Mengd: 0,5
Oppmøtte: Sikkert heile gjengen. Ida gjekk på vorspiel(!), og Torun&Kristian ser ut til å ha fordufta.
Gul: er på vei bort, skrivast det. Kva nå enn dét skal tyde.
Grøn: Hæ?
Doble: Definitivt. Fleire.

Denne uteplassen kjem særs brått i loggen. Generell sveiseblindskap har inntruffe. Det vert likevel spela biljard. Me har óg bilete som provar at me var her. Pubcrawlen sin nest siste post er generelt litt vag. Tidlegare nest-siste-etappar: Klokkesvingen, Pias, Lucas. Fin blanding av fyll og caféstimmung. Imponerande at ingen nokon sinne er blitt kasta ut på denne posten.

8 "Skru og skrål"

Tid: seint (Loggen seier i alle fall så, men det var nok knapt midnatt..)
Pris: Bong
Mengd: 0,5
Oppmøtte: "The winners"
Gul: Ja, sikkert
Grøn: Det vil me anta
Doble: Mange.

Her hamna me fordi Knut har gode kontaktar på nabolokalet til 2xTiger(!). Fordelen her var at me dodga køen ganske effektivt, og at me kunne nytta bongar som me skaffa frå Knut. For ein del av oss var dette fyrste (og kanskje siste?) gong me kunne skli rett forbi køen og gå rett inn. Komfortabelt, og særs artig å gå forbi 17,5-åringar med djup utringing og ein plan om å sjarmere vakta (me snakkar om unge jenter, ja). Det skal nok ikkje utelukkast at nokre av desse likevel sjarmerte enkelte av pubcrawldeltakarane til slutt.